Апостол Петр Дни памяти: 16 января 29 июня 30 июня (12 ап.)
Поклонение честным веригам святого и всехвального апостола Петра. Около 42 года апостол Петр по повелению Ирода Агриппы был заключен в темницу за проповедь о Христе Спасителе. В темнице он был связан двумя железными цепями. Ночью, накануне суда над ним, Ангел Господень снял с апостола эти цепи и чудесно вывел его из темницы (Деян. 12, 1 - II). Христиане, услышав о чуде, взяли вериги (цепи) и хранили их как драгоценность. Одержимые разными болезнями, приходя к ним с верою, получали исцеления. Вериги святого апостола Петра хранились в Иерусалиме до Патриарха Ювеналия, который подарил их Евдокии, супруге императора Феодосия Младшего, а она в 437 и 439 годах перенесла их из Иерусалима в Царьград. Одну веригу Евдокия послала в Рим своей дочери Евдоксии, которая построила храм во имя апостола Петра и положила в нем веригу. В Риме были также и другие вериги, в которых находился апостол перед своей кончиной при императоре Нероне.
16 января вериги апостола Петра выносятся на поклонение народу
Тропарь апостола Петра глас 4 Рима не оставль, к нам пришел еси/ честными веригами, яже носил еси, апостолов первопрестольне. / Имже верою покланяющеся, молимся:/ твоими к Богу молитвами// даруй нам велию милость. Кондак апостола Петра глас 2 Верховнаго и перваго апостолов, / истины Божественнаго ученика, / Петра великаго восхвалим/ и того верою целуем вериги, // прегрешений разрешение приемлюще. Молитва святому апостолу Петру О святый Петре, великий апостоле, самовидче и сотаинниче Божий, всемощною десницею Учителя твоего приятый из вод волнующихся и крайняго потопления свобождшийся! Не забуди и нас, убогих, в тине греховной увязших и волнами житейскаго моря заливаемых, подаждь нам твою руку крепкую, помози нам и удержи нас от потопления в страстех, похотех, лжах и клеветах. Сотвори и ты с нами милость, тебе от Господа явленную, да не в сомнении и маловерии изгибнем. Научи нас, учителю наш, пролияти слезу покаяния, да плачемся горько деяний наших в веце сем. И аще твою слезу, в покаяние излиянную, милостию Своею покры Господь и Учитель твой, испроси и нам, с дерзновением апостольским, прощения в буести нашей ежечаснаго от Христа отречения. Град сей, ко святым стопам твоим поверженный, сохрани и от прилучающихся козней лукавых врага спасения нашего огради; воздвигни твои преподобнии руце ко Господу за народ наш, да тихое и безмолвное житие поживем в веце сем до часа, в онь же имать призвати нас Владыка Господь, наш Судия неумытный. Ты же, о всехвальный апостоле, не отвергни вопля нашего и стенаний к тебе о заступлении нас пред Христом, да выну славим Его милосердие к нам со Отцем и Святым Духом. Аминь.
Праведный Максим, иерей Тотемский День памяти: 16 января
Праведный Максим, иерей Тотемский, некоторое время был священником в городе Тотьме Вологодской епархии. В течение сорока лет он проходил тяжелый подвиг юродства о Христе, постоянно находясь в посте и молитве. Скончался блаженный Максим в глубокой старости 16 января 1650 года и был погребен в Воскресенской церкви, в которой служил. Местное почитание святого началось в 1715 году, в связи с многочисленными чудесами, происходившими при его гробе.
Тропарь праведнаго Максима глас 4 Непорочным священством Богови послужив, / посреде мирскаго мятежа юродство избрал еси, / взем бо крест, последовал еси Христу невозвратным помыслом/ и, с любовию к Нему добродетельми приближался, / земная оставив, Небесная восприял еси, / блаженне Максиме, отче наш, / моли Христа Бога/ сохранитися граду Тотьме невредиму/ и спастися душам нашим. Кондак праведнаго Максима глас 4 Божественному гласу последуя, / возревновал еси наставляти паству свою/ не мудростию слова, но буйством жития безмятежнаго, / непрестанными молитвами и слезными струями/ душу и тело омывая, / воздушными стихиями плоть изнуряя, / темже и по смерти чудесы тя Господь прослави, / да с верою зовем к тебе:/ радуйся, Богомудре отче наш Максиме. Молитва праведному Максиму Тотемскому О преблаженне и досточудне угодниче Божий, Максиме праведный! Восприяв благодать Святаго Духа, первее послужил еси непорочным священством Пресвятей Троице, предстоя Престолу Божию и принося о людех Безкровныя Жертвы. Егда же, ко Господу крайним желанием одержим, юродивое житие Христа ради избрал еси, мирския прелести отринул еси, наготою телесною, якоже багряницею, одеяся, солнечный зной и великий мраз с любовию претерпе, подвизался во граде Тотьме, и сего ради наследовал еси Небесный Чертог в селениях праведных. Но яко имеяй дерзновение ко Христу Богу, пролей о нас, о святче Божий, теплыя молитвы, да избавимся мы всякия нужды и всякаго сопротивнаго зла. Не престай молити Слова, Христа Бога нашего, о граде и людех, сохранитися им неврежденным от глада и язвы, огня и меча и от нашествия супостатов. Низпосли с Небесе, о священная главо, преблаженне Максиме, на нас, усердно притекающих к тебе и с любовию лобызающих святый образ твой, мир, благодать и спасение душам нашим, да и мы со всеми святыми наследницы будем Небеснаго Царствия, воспевающе купно Святую Троицу, Отца, и Сына, и Святаго Духа, ныне, и присно, и во веки веков. Аминь.